EN MT
Hero background

Liema servizz qed tfittex illum?

Servizz ta’ tagħlim fid-djar

Ħarsa ġenerali​

Dan is-servizz jingħata mill-Year 1 sal- Year 11 lill-istudenti li ma jistgħux jattendu l-iskola għal perjodu ta’ mhux inqas minn tliet ġimgħat konsekuttivi minħabba mard, kondizzjoni medika (sakemm mhix kontaġġjuża) jew korriment. L-istudenti jingħataw servizz edukattiv kompensatorju bl-għan li jimminimizza l-konsegwenzi ta’ assenza mill-iskola billi jingħataw tagħlim kontinwu fil-Matematika, l-Ingliż u l-Malti. Dawk riferuti jeħtieġu ċertifikat mediku u hemm koordinazzjoni konġunta bejn l-iskola u l-għalliema ta’ dan is-servizz sabiex ikun hemm integrazzjoni tajba.

X’ser​ tingħata

Jingħataw lezzjonijiet fis-suggetti ġenerali: Matematika, Lingwa Maltija, u Lingwa Ingliza. Dawn is-suġġetti jigu provduti lill-istudenti fid-djar tagħhom, fil-prezenza ta’ xi ħadd adult.
 

Eliġibbiltà​​

L-istudenti eliġibli għal dan is-servizz ta’ tagħlim fid-djar jingħata lil-istudenti jekk: 
•    Jiġu iddijanjostikati li qed isoffru minn mard kroniku (li ma jistax jiġi trasmess), u ma jistgħux jattendu l-iskola. 
•    Għandhom kundizzjoni medika u jkun hemm bzonn li jkunu assenti mill-iskola ghall-iktar minn 4 gimgħat. 
•    Qed jiġu rikoverati minn intervent kirurġiku, ksur jew xi incident.

Kif tapplika​

Is-servizz huwa offrut mill-NSSS permezz ta’ referenzi mill-iskejjel.
Kuntatt tal-posta elettronika: [email protected]
Tel: 25983497/25983421​​

Applika

Kronoloġija

  • Ġurnata

    L-1 pass: Sottomissjoni tal-applikazzjoni

  • 3 ijiem

    It-2 pass: Valutazzjoni u approvazzjoni tal-applikazzjoni

  • 3 ijiem

    It-3 pass: Provvista tas-servizz

MyChild Chatbot
avatar
Public Service Logo and redirection Public Education Logo and redirection