EN MT
Hero background

Liema servizz qed tfittex illum?

Is-Servizz Psikoloġiku għall-iskejjel (SPS)

Ħarsa ġenerali​

Is-Servizz Psikoloġiku għall-iskejjel (SPS) jipprovdi appoġġ psikoloġiku lit-tfal u ż-żgħażagħ bejn is-6 u s-16-il sena li jattendu l-iskejjel statali f’Malta u Għawdex. L-għan tal-SPS huwa li jappoġġja l-iżvilupp emozzjonali, soċjali, ta’ mġieba, u edukattiv tal-istudenti permezz ta’ kollaborazzjoni mal-edukaturi, il-familji u professjonisti oħra. Il-psikologi tal-iskola jwettqu valutazzjonijiet, jipprovdu konsulenza, jintervjenu u jappoġġjaw prattiċi edukattivi inklużivi.

X’ser​ tingħata

Permezz tal-SPS, it-tfal jistgħu jibbenefikaw minn:

  • Valutazzjonijiet psikoloġiċi individwalizzati biex jifhmu aħjar id-diffikultajiet ta’ tagħlim jew imġieba tagħhom.
  • Appoġġ emozzjonali u ta’ mġieba biex jindirizzaw sfidi bħall-ansjetà, l-istima personali jew diffikultajiet soċjali.
  • Appoġġ matul perjodi ta’ tranżizzjoni u ta’ adattament għall-ambjent tal-iskola.
  • Rakkomandazzjonijiet għal interventi xierqa jew riferimenti għal servizzi oħra jekk meħtieġ.
  • Kollaborazzjoni mal-edukaturi u l-familji biex jiġi appoġġjat il-progress fil-benesseri u fl-edukazzjoni tat-tfal.

Eliġibbiltà​​

Is-servizz hu disponibbli għal tfal u żgħażagħ bejn is-6 u s-16-il sena li jattendu l-iskejjel statali f’Malta u Għawdex. Il-prijorità tingħata skont il-livell ta’ bżonn, rapporti skolastiċi u l-urġenza tal-kwistjonijiet imressqa.


Kif tapplika​

Ir-riferimenti għall-SPS isiru permezz tal-iskola tat-tfal.

Kronoloġija

  • L-1 pass: Ġenitur, edukatur jew professjonist ieħor fl-iskola jqajjem tħassib

  • It-2 pass: L-iskola timla u tissottometti l-formola uffiċjali ta’ riferiment għall-SPS.

  • 5 ġranet

    It-3 pass: L-SPS tibgħat konferma lill-iskola ladarba tirċievi r-riferiment

  • Minimu ta 3 ijiem sa massimu ta 12 il - xhar

    Ir-4 pass: Il-psikologu li jirċievi r-riferiment iwettaq valutazzjonijiet jew interventi kif xieraq u jipprovdi feedback u rakkomandazzjonijiet.

MyChild Chatbot
avatar
Public Service Logo and redirection Public Education Logo and redirection