Il-Klinika ta’ Appoġġ għas-Saħħa Primarja tal-Ġenituri u t-Tarbija offruta mill-Kura tas-Saħħa Primarja

Ħarsa ġenerali​

Servizz immexxi minn qwiebel li joffri appoġġ essenzjali lill-ġenituri ġodda fl-ewwel ġimgħat wara l-ħlas. Minn inkoraġġiment emozzjonali sa gwida prattika dwar il-kura tat-trabi, din il-klinika hija l-ewwel pass tiegħek ta’appoġġ wara l-ħlas.

---

X’ser​ tingħata

Konsultazzjonijiet personalizzati mal-qabla li jkopru: In-nutriment tat-tarbija, l-irqad, ir-rabta materna, l-iIrkupru tal-omm u benesseri emozzjonali

---

Eliġibbiltà​​

Ġenituri ġodda fil-komunità – tipikament fil-ġimgħat inizjali wara t-twelid.

Il-ġenituri/gwardjani  jistgħu jikkuntattjaw din il-klinika:

• Biex jirċievu parir direttament fuq it-telefon mingħand il-qabla
• Jew inkella jistgħu jagħżlu li jattendu personalment u f’dan il-każ jiġi skedat appuntament kif meħtieġ

Barra minn hekk, ommijiet li jkunu għaddew minn ċesarja fl-Isptar Mater Dei (MDH) u li jkollhom bżonn il-qtugħ ta’ punti jingħataw appuntament dirett mill-wards ta’ wara l-ħlas ta’ MDH biex jattendu din il-klinika.

---

Kif tapplika​

Numri ta’ kuntatt: +356 21231231 / +356 79500176

 Aktar informazzjoni tista’ tinstab fuq il-paġna tal-pubblikazzjonijiet tal-Kura Primarja tas-Saħħa. https://primaryhealthcare.gov.mt/rizorsi/pubblikazzjonijiet/