Girls Go Circular (GGC) huwa programm immirat biex jgħallem lill-bniet, li għandhom bejn 14 u 19-il sena, dwar l-Ekonomija Ċirkolari u biex inaqqas id-distakk bejn is-sessi fil-ħiliet diġitali, permezz ta’ numru ta’ moduli ta’ tagħlim prattiku, maħsub apposta għal etajiet u livelli differenti ta’ ħiliet. Jingħata ċertifikat wara li jintemm b’suċċess kull modulu, u ċertifikat addizzjonali wara li jitlestew il-moduli ewlenin.
Is-sessjonijiet isiru personalment fi skejjel, minn taħlita ta’ voluntiera u membri tal-istaff ta’ JA, u jinkoraġġixxu lill-istudenti jaħsbu, jirriflettu, jagħmlu riċerka, u jipproduċu kontenut relatat kemm mal-Ekonomija Ċirkolari kif ukoll mal-Ħiliet Diġitali f’esperjenza li tħajjar u tinvolvi lill-parteċipanti f’dawn l-oqsma ta’ suġġetti kontemporanji STEM.
Jekk taħseb li l-bniet fl-iskola tiegħek jixtiequ jkunu fuq quddiem f’dawn l-oqsma emerġenti, ikkuntattjana llum.
Nota importanti: Jekk l-iskola tiegħek għandha klassijiet imħallta, il-ġuvintur jistgħu wkoll jipparteċipaw u jikkontribwixxu għall-esperjenza. Madankollu, kif jimplika l-isem tal-programm, huma ma jkunux jistgħu jiksbu l-istess ċertifikat bħall-bniet (iżda noħolqu ċertifikat apposta għall-ġuvintur, bħala rikonoxximent tal-isforz u l-kisba tagħhom).
Bniet interessati fil-programm, iżda mhux affiljati ma’ skola, jistgħu xorta jipparteċipaw b’mod awtonomu, u huma mħeġġa jirreġistraw u jlestu l-programm bir-ritmu tagħhom.
It-timijiet finalisti se jwasslu l-preżentazzjonijiet tagħhom direttament fuq il-palk fi Brussell f’Ottubru 2025.
Età: 14 - 19
Tim ta’ massimu 4 bniet
Agħżel suġġett relatat mas-sigurtà
ċibernetika
Jekk inti interessata, ikkuntattja lil [email protected]
