Is- Servizz tal-SpLD joffri sensiela ta’ webinars onlajn mingħajr ħlas lill-ġenituri/kustodji legali fejn jingħata tagħrif u strateġiji prattiċi lill-ġenituri/kustodji legali sabiex jistgħu jkunu ta’ sapport id-dar lil tfal li għandhom id-dislessija.
Dawn is-sessjonijiet li jkunu ta’ madwar siegħa u nofs/sagħtejn isiru fuq Microsoft Teams ikopru diversi temi bħalma huwa l-mod ta’ kif isir il-qari, il-mod ta’ kif wieħed ikun iktar organizzat f’dak li jagħmel, attitudnijiet pożittivi u kif ukoll jingħataw strateġiji ta’ kif isir l-istudju d-dar. Il-ġenituri/kustodji legali jingħataw l-għodda neċessarja ta’ kif jgħinu lil uliedhom id-dar irabbu l-kunfidenza f’dak li għandu x’jaqsam ma’ qari li jibda jitqies bħala xi ħaġa li jieħdu pjaċir jagħmlu u tibda tkun xi ħaġa ta’ rutina. Permezz ta’ dawn il-webinars il-ġenituri/kustodji legali jkunu qed jikkumplimentaw dak li jkun qed isir fl-iskola.
Dawn il-webinars huma mmirati għal ġenituri/kustodji legali li għandhom tfal bid-dislessija u anke għal dawk li jkunu qed jissuspettaw li t-tfal tagħhom jistgħu jkunu dislessiċi minn eta’ ta’ kindergarten sas-snin tal-iskola sekondarja.
imla l-formola ladarba tiġi nnotifikata mill-iskola
