Il-programm KIDs huwa wieħed mis-servizzi offruti mir-Richmond Foundation, NGO lokali li tappoġġja lil persuni li qed jesperjenzaw problemi ta’ saħħa mentali fil-komunità. Dan il-Programm huwa appoġġjat permezz ta’ Sħubija Soċjali Pubblika bejn ir-Richmond Foundation u l-Ministeru għall-Politika Soċjali u d-Drittijiet tat-Tfal.
Il-Programm KIDs in Development huwa programm residenzjali u ta’ mġieba għal tfal bejn is-7 u t-13-il sena. Dan il-programm ta’ tliet snin jgħin lit-tfal li għaddew minn esperjenzi negattivi severi fil-bidu ta’ ħajjithom u li, bħala riżultat, jibdew juru firxa ta’ mġieba diffiċli u severa. Għalhekk, dawn it-tfal ikunu jeħtieġu programm imfassal apposta biex jgħinhom jindirizzaw dawn il-bżonnijiet u biex jitgħallmu ħiliet fuq livell prattiku, emozzjonali u relazzjonali.
Tfal ta' bejn 7 u 10 snin
Dan il-programm ta’ tliet snin huwa maħsub għal tfal li jkunu bejn is-7 u l-10 snin fil-mument tar-referenza. Ir-referenzi jiġu aċċettati wara li jkunu sottomessi minn social worker mill-Fondazzjoni tas-Servizzi ta’ Għajnuna Soċjali.
Għal aktar informazzjoni żur:
https://www.richmond.org.mt/our-services/kids/
Jew
ibgħat email fuq: [email protected]
