L-iSkema tas-Sajf fl-ICT hija opportunità ta’ benefiċċju reċiproku għall-istudenti li qed jistudjaw l-ICT u min iħaddem mill-Amministrazzjoni Pubblika kif ukoll mill-NGOs.
Din l-iskema tgħin lill-istudenti jiksbu ħiliet tas-seklu 21, b’enfasi fuq l-għarfien, esperjenza u l-kompetenzi meħtieġa fl-industrija.
Din il-ħidma tas-sajf tippermetti lill-istudenti jpoġġu t-teorija fil-prattika, u tagħtihom vantaġġ meta jibdew impjieg permanenti.
Ghal iktar informazzjoni: ICT Summer Student Working Scheme
Din l-esperjenza ta’ xogħol tagħti vantaġġi professjonali, tkabbar il-kunfidenza u toħloq netwerk ta’ kuntatti meta tigi biex issib xogħol permanenti.
L-istudenti kollha tal-ICT jew suġġetti relatati, li għandhom livell minimum ta’ l-ewwel sena tas-Sixth Form jew MQF Level 4.
Il-placements huma mifruxa fuq medda ta’ 10 ġimgħat fuq massimu ta’ 300 siegħa.
Rati tal-ħlas:
- MQF Level 4 u 5: €8.51
- MQF Level 6 u 7: €9.51
L-istudenti għandhom id-dritt għal pro-rata leave u benefiċċju ta’ mard ibbażat fuq kemm jaħdmu siegħat.
Issottometti l-applikazzjoni tiegħek online billi tagħżel il-buttuna Applika u segwi l-istruzzjonijiet.
L-applikazzjoni tagħlaq fl-10 ta’ April f’nofsinhar.
Mhux Applikabbli
